[ad_1]
عليكي عيون
لا بتنافق ولا بتخون
وفيها من الأمان مخزون
وفيها من الجمال أسرار
عليكي كلام
يمشي الحزن وابقى تمام
يطمن قلبي يرجع خام
فاكون أنا وانت كالأطفال
عليكي سلام
يقويني على الأيام
في طاقة تزقني لقدام
وبيها بكمل المشوار
عليكي هدوء
حلاوة صوت ونظرة شوق
أكون زعلان أشوفك أروق
وأحس براحة واستقرار
عليكي جمال
وقلبك صافي وابن حلال
معاكي بعيش في راحة بال
ومن غيرك بكون محتار
وجودك خير
بضحكة تخلي يومي جميل
بتسند ضهري وقت ما اميل
أنا فعلا عرفت اختار
[ad_2]
